Jitz isch es sowyt, für d Waldhüttler isch wieder einisch Reisezyt.
Wohäre geits ächt im 2014, u wiewyt‘
Uese Presi het entschiede, mi wöui einisch i Schwarzwald go
Är het mit em Marti Car, d Organisation grad säuber übernoh.

So simer de ohni Räge!!! ds Rapsi i Car igstiege.
Es munters Tschüppeli si mir gsi, u nid lang isch es ruig blybe derby.
Scho gli hei mer 1,2,3 Liedli gsunge
u d rGehri Adi het gli druf ou eis vo syne Oergeli gfunge.
So hei mir de gmusiget bis zum haubi 11 Bierli,
gstiuet hets de nächer emu nume echli.

Es isch nid nume bi eim Bierli blybe
ir Alpirsbacher Klosterbräu hei mir dörfe stuune u degustiere
U es paar verschiedeni Hopfegebräu goutiere.
Guet gässe hei mir de o, süsch wär dr Alkohol de ds schnäu ids Chöpfli cho.

Im gmüetleche Hotel ds Lossburg hei mir de dörfe logiere,
D Bedienig het de emu erscht um di 01.00 Uhr chönne ikassiere.
Hiuf bim Abruume het si vom Adi ou gha,
är het mit de Gläser ganzi Pyramidene lo entstah.
Es isch sowyt cho,
dass die nätti Serviertochter sogar ds höuzige Chuechedröhli het füregnoh.

D Liedli wo mir hei gsunge, wo aui mitghuufe hei,ou d Froue, , di aute u junge,
die hei mer nümme chönne zeue.
Ohni 2 mou ds gliche müesse ds singe,
het üs dä Obe zu auer Unterhautig, chönne glinge.
Die angere Hotelgescht si cho stuune, wär do so düeg oergele u löffele,
das cha doch dr Adi u d Marina gsi si, nume!

Jitz hei mir unger kundiger Füehrig u Gloggeglüt, ds Stedtli Freudenstadt u sini Gschicht dörfe vernäh.
Im grosse Ratssaal hei mir de es guetklingends Ständli dörfe gäh.
Im Brauhaus am Markt kautt de dr Hänsel Knödel,
das Personal serviert in flotten Lederhöserl.
Ds Miniballenberg chöi mir in Gutach bestuune,
zum Singe si mir leider nid cho
wüu jedes Tschüppeli e angere Wäg het i agriff gnoh.
Jo so e Tschuppele Jodler/Inne chönne zum Singe zäme ds ha,
isch schwierig, i has müesse verstah.
So si mir gmüetlech wieder hei, Rägetröpfli hei mir de gha ekei.

Wenn Engel reisen so lacht der Himmel, ob Aengu oder Baengu,
eis wüsse mir scho,
dass mir gärn wiedereinisch, uf sone schöni, gmüetlechi Rapsireis wei goh.

Aus Dirigäntin hani gfunge, mir heige emu de mängs Liedli gsunge.